يالمطيري كيف حملتها حملا ثقيل ..
مطلق الثبيتي :
يالمطيري كيف حملتها حملا ثقيل
الجمال الي تنومسك يوم تقودها
انت مالك عندنا لا صنيع ولا جميل
عادة ياشينها كل عام تعودها
زيد العضيلة:
يالثبيتي يركد الحمل في ظهر الاصيل
الجمال ال
لا تحدانا يا مطلق عسى عمرك طويل
ثم نزعل نوقد النار في بارودها
مطلق:
والله مانبي الهيل عقب الجنزبيل
والصدا يأكل قلوب العرب وكبودها
يا مطر تبرق وترعد وسيلك ما يسيل
والسحاب تدوخ المستحي برعودها
زيد:
لا تحسبن اللكاعة تبرد لك غليل
لا ترجى خيرها بعد دخن عودها
ما علي خلاف ما دمت في بيت ضليل
والعوارف للعرب ماتبيح سدودها
مطلق:
ماوصلنا حصيل العرب غير القليل
والبقية شالته بنتهم في نهودها
قسم المحصول بين اليتامى ياوكيل
قبل اردك في جبالا تصيح قرودها
زيد:
ياعريباني تريح ماتخلق مستحيل
الله يرزق المسلمه ويزودها
والله انا ما ضلمناك ياعابر سبيل
مار قمت تغثرب البير قدم ورودها
مطلق:
كنت شيخ معتبر معك جيش ومعك خيل
والعشية دعوة غايبين شهودها
لو ابيعك ماتسومك لا قريش ولا هذيل
بندق في حلقها ناشبا عبرودها
زيد:
احتزم باحزام واخلص عميل من عميل
والرجال تطيح فالنار دون حدودها
ما يباع ويشترا غير من كفه بخيل
……………………………………
مطلق:
كيف نشرب مر وانته شرابك سلسبيل
منت حاسب غير بيض الليالي وسودها