مطلق الثبيتي :
ياسلام الله على الحضار في حفل الدويش
ياعسى راسه يعيش
من رجال تنطح الواجب واهل خيل وجيش
يوم شبت نارها
ولعي يا نار في راس الفتيلة ولعي ..
على زيد المطيري كل ليل تحوم
سحابة برقها فالليل كشافي
والله انا ماعرفنا وش وراكم يا مطير
فيه شر وفيه خير
مانشوف الا رحاكم كل ليلة تستدير
يوم شبت نارها
ولعي يا نار في راس الفتيلة ولعي ..
انا عارفك لا معطى ولا محروم
ولا لك حظ بين الناس ينشافي
زيد العضيلة:
مرحبا بك بالنيابة عن مزبنة الدخيل
ياعسى عمرك طويل
لين تعطيها وتاخذها من الوزن الثقيل
عقب شبت نارها
ولعي يا نار في راس الفتيلة ولعي ..
انا حاسب حسابي بين ليل ويوم
ولن كبرتها ستر الله الضافي
انت تعرف ليا منا قدحنا بالزناد
فالصباح وفالهجاد
مار ياليتك تكب الحر وتدور براد
عقب شبت نارها
ولعي يا نار في راس الفتيلة ولعي ..
انا من مرتاح لا ظالم ولا مظلوم
لكن اقلط بدلوك واشرب الصافي
مطلق :
والله انا ما نبي نفتح على اهل الشرق باب
لين يعون الذياب
مار ياكثر الخطا منكم ويا قل الصواب
يوم شبت نارها
ولعي يا نار في راس الفتيلة ولعي ..
في تحت السماء الصافي قمر ونجوم
واقيس من بعدها يبدي الخافي
يا عريضين المتون وكبيرين البطون
كلكم شر وجنون
لو نحرتلكم جمل من شركم ماتشبعون
يوم شبت نارها
ولعي يا نار في راس الفتيلة ولعي ..
انا حسبكم رفاقنا واثركم قوم
تحبون الدفى المرقد والدافي
زيد:
الرحاة تدور فوق الحب وتدش الطحين
والله الي لي عوين
يوم جت فزعة عتابه من يسار ومن يمين
لين شبت نارها
ولعي يا نار في راس الفتيلة ولعي ..
ليا حصلت نايم قول صح النوم
وغلطات المغوى مالها رافي
لا تعارضنا يابو فيصل وتنسى طولنا
وانت شكلك حولنا
اسمع الاخبار يوم يجيبها مرسولنا
يوم شبت نارها
ولعي يا نار في راس الفتيلة ولعي ..
ليا شفت البضاعة بين بيع وسوم
اقف قدامها ماني بخوافي
مطلق:
العام تقرأ كتابك لا تحط ولا تشيل
لا قصير ولا طويل
كل وادي يالمطيري يم ديرتكم يسيل
يوم شبت نارها
ولعي يا نار في راس الفتيلة ولعي ..
لك الله ما تهمنا زادك الميدوم
وابا اسيرك قدمي والقدم حافي
انت راكبها بغير شداد من طول السنين
كيف امدك باليمين
وانت بيتك لا يذرينا ولا حصنك حصين
يوم شبت نارها
ولعي يا نار في راس الفتيلة ولعي ..
بعد حطيت لك فوق الخشوم رسوم
لك الله ما تبات الليل متعافي
زيد:
لا تخوفك المخايل يوم شفت بروقها
طول عمرك فوقها
والرجال الي تعرف العلم دون حقوقها
يوم شبت نارها
ولعي يا نار في راس الفتيلة ولعي ..
ليا عاندت تلقا رمحنا المسموم
ويعرف قدر ميقافك وميقافي
ارتوت يالسيل من برا وداخل ياثبيت
يوم جيتوها وجيت
تحسبني عن علومك يا ثبيتي مادريت
يوم شبت نارها
ولعي يا نار في راس الفتيلة ولعي ..
انا ادور عيال الشايب المرحوم
ولا حصلت غير اثنين وخفافي
كبرت الدعوة علينا وش نسوي وش نقول
والجمل عود ذلول
مشكلة طرت علينا ما لقيت الها حلول
يوم شبت نارها
ولعي يا نار في راس الفتيلة ولعي ..
انا مهموم من بعض العرب المهوم
لقينا بالعلوم الرباع وانصافي
ماترجى غير نو شفت برقه فالسما
ياعسى ينهل ما
يشرب الضامي ويروى عقب ما قاس الضما
يوم شبت نارها
ولعي يا نار في راس الفتيلة ولعي ..
تراها يالعضيلة وصلت الحلقوم
……. في بيوت نورها طافي
زيد:
لا تكابرها وتبلش بين ذيك وبين ذيك
والمعزب يحتريك
وانت في العرف واجد والكلام الزين فيك
كان شبت نارها
ولعي يا نار في راس الفتيلة ولعي ..
تراها ماهي صعيبة للرجال سلوم
ليا كبرت بصدرك قلت يا كافي