الا يا حبيب قوم والملعبة صفين ..
مطلق الثبيتي:
الا يا حبيب قوم والملعبة صفين
كل من الشعار غنّا معه صفه
وانا عزوتي برقا هل السيف والرمحين
ولاني مع الروقي ولا امشي على شفه
حبيب العازمي:
لو ان الزمان يدور حبك يروح طحين
ولو انك تلف الخط خمسة عشر لفة
مطلق :
زعل منك ابو شيخة وراكان ابو حثلين
ويا ما اشين الي يلحس الدم من كفه
اشوفك تهز الرأس يالوعل أبو قرنين
ولن كان فيه سراج من يمنا طفه
حبيب:
تراك البلى والشر ياجامع الثنتين
تشوق الجمل وتمد كفط تحت خفه
انا اشوف مطلق يدحم الناس بالمتنين
ولا باقي الا نقلع طويق وندفه
مطلق:
على سابقات الصوت رحنا مع الغازين
وعمك ورانا بالعتيبي معه خفه
قطعنا العلاقة مع ضاري ومن ذلحين
لكن الطحين الي بقي فالقلص سفه
حبيب:
يقولون هتلر سلم السيطرة برلين
بعد قص من دقنه وقصر من الحفه
تشيل الغنايم فالمجادل ثمان سنين
وجا للبحر بحّار موج البحر هفه