سلامي سلامٍ لَلثّبيتي مِثِل نقدَ الفلوس ..

 

خلف بن هذال :

سلامي سلامٍ لَلثّبيتي مِثِل نقدَ الفلوس

ولا نقبلَ التّاجيلِ فالملعبه وِاِصفوفها

وَابىَ اَطلِع ثلاثة رُوسِ وَاطِقّ رُوسِ بخمسِ رُوس

وَانادي سلاطين المعاني تِسِلّ اِسيوفها

 

مطلق :

هلا مرحبا ترحيب وافي وِلَيلَتنا عروس

نِكَحّل مَحاجرها وننقِش بطونِ اِكفوفها

انا عارف الدّكتورِ مِن عَصرِ قلاّع الضروس

ولوّ واجَهَ اُمّ الصّوفِ لا بدّ يمسَح صُوفها

 

خلف بن هذال :

انا اللّيله اللّيله مع اللّيلَ اَجدّد لي لِبُوس

وَابىَ اَضَع على الحِجّه نِقطها وَ اَعِدّ اِحروفها

لِيَا صارِ دُونِك جسرِ مَدروسِ ما تبغى دروس

عوافِيرِ ما تشقح وراها يا كُود اِتشوفها

 

مطلق :

لِيَا عِمسَت الاريَا على النّاسِ دُوسَالرّاي دُوس

وخلّ اليتامى فالذّرىَ وَ اَعطَها مصروفها

انا اشوفِ لي دابٍ تِثنّى ويَلْحَس حَدّ مُوس

عيونه تِقلّب فالعرب ما عِرِفت اُوصُوفها

 

خلف بن هذال :

لِيَا عَمسِت الاريَا صبَرنا وطابَنّ النّفوس

تِبين النّجومُ وتنظِرَ النّاسِ كيف اِظروفها

تبى تلعب الفِيرانِ فالبيتِ بغيابَ البسوس

وِ دابك عن الفتنه يمينه قِصَر مَعروفها

 

مطلق :

انا يومَ اَشوف الطّفلِ ابو كِبلِ رضّاع الدّيوس

اَبىَ اَدوّر اُمّه ثمّ اَبَرمِيهِ فوقِ اِكتوفها

علومَ المطر مِن كِلّ ديره تجيك اِبها العسوس

لكَنّ المِطيّه شدّها طاحِ فوق اِردوفها

 

خلف بن هذال :

تحلّمتِ حِلمٍ يدوِخِ الرّاسِ والجَوّ اِمعكُوس

سَعيت الدّيارُ وبطنِ مكّه عِجزتِ اِطّوفها

تمرّ الغيومُ ويطلِعَ الله على خلقه شموس

وَابىَ اَكبِس على عِشّ الحمامه وَ اَشِيلِ اِرفوفها

 

مطلق :

لِيَا شِفتِ لِي صاروخِ صِيني مِعِه صاروخِ رُوس

اَبىَ اكِفّ رِجلِي عن دروبٍ كثيرٍ خوفها

انا اشوفِ غصنٍ يشربَ البيرِ واوراقه يبُوس

ولو بانِ زهره فيه شِفت الطّيورِ اِتحُوفها

 

خلف بن هذال :

لِيَا شِفتِ لِك صاروخِ صِيني حِضِر يومٍ عبوس

تعاف الحياهُ وتكسِف الشّمسِ وانتِ اِكسُوفها

ترى الله هو الفردَ الصّمد وِاِحذرَ الدّين الغموس

شهادتكِ ما تارَد وتذلِف عساها اَذلُوفها

 

مطلق :

تِعِبنا وحِنّا ننثِرَ العِطرِ فوق العيطموس

وانا خايفِ اِنّ العِطرِ يكثر ويدخل جَوفها

اَبىَ اقرا على السّجّانِ وَافكّ بيبان الحبُوس

وَابىَ اَخِذ مِن السّجّانه اِمْياتها وِاُولُوفها

 

خلف بن هذال :

طوال اللّحى ما توجَد اَلاّ على بعض التّيوس

ورى العيطموسِ اِتروحِ ما علّمتكِ اُوصُوفها

 

حبيب العازمي

 يا الشاعر الرحال انا تراي فالديره مقيم …   حبيب

صياف

سلامي ي اهل العوايد ف النّهار الكبير ..   صياف

مستور العصيمي

ولا يا العصيمي قوم مال الجمل ميقاف ..   مطلق

رشيد الزلامي

ابو جميل اخطىٰ ويجحد خطاه ..   مطلق الثبيتي: ابو

صياف

ابافزع وأطب المعركة عقب قر الهوش ..   مطلق الثبيتي

خلف بن هذال

محاورة بين الشاعرين الثبيتي -يرحمه الله- وخلف بن هذال في