البالِ مَسرور

مطلق الثبيتي و صياف الحربي 1407 هـ

سلامي سلامٍ لِه البالِ مَسرور ..

 

مطلق الثبيتي :

سلامي سلامٍ لِه البالِ مَسرور

كِما طَلعِ عَنبَر وِوَردٍ وكادي

اشوف الحِرَيبي مع الوقتِ مغرور

وانا بَهجدِه عند وقت الهَجَادي

 

صياف :

هلا مرحبا بك على طَلعة النّور

وانا بذكِرَ الله واصَيّح وانادي

بلِشنا مِعك وانتِ رَيّس ومامُور

وبكره تحَوّل يا راعَ الشّدادي

 

مطلق :

صِبَرنا سنه وانتِ يا حاكِمَ الشّور

تِحَدّر بالاجوادِ مِع كِلّ وادي

ترى ما بقي غيرِ كاسِر ومَكسُور

ونردَعكِ ونقولِ لِك وينِ غادي

 

صياف :

تبَى تصبرِ اِسنِينِ وايّامِ وشهور

ونِسقِيكِ مَا واللّبن فالزّبادي

يا بِعدِ النّصارى على جَنّة الحُور

يا لَو حطّوا العِيدِ خمسَه اعيَادي

 

مطلق :

تِعِبنا وشِبنا من العِميِ والعُور

بعَد غيّبَوا نِصّ زادِك وزادي

يضِيق الزّلامي لِيَا ضاقِ مستور

وضاقت نسُورَ السّما والحَنادي

 

صياف :

في كِثرَ الشّقى والتّعّب مَنتِ مَعذُور

تراني حَدَاني على النّاسِ حادي

عسى الله يعافِيكِ وترُوحِ مَسرور

انا بدفِنَ النّارِ تحتَ الرّمادي

 

مطلق :

مِرَسّي على البَحرِ عِشرينِ بابُور

وَلاَ جَوفهَ اَلاّ السّلَم والعَرَادِي

تبى تَستِرَ العِلمِ والعِلمِ مَخبُور

سِمِعناهِ مِن عَصرِ في كِلّ وادي

 

صياف :

نِمِرّك على البَحرِ ونقولِ ماجُور

وهذا مِنايَه وهذا مِرَادِي

نِبِت وَسطِ حَلقِك ثلاثينِ حِنجُور

وَاظِنّك بَعَدها تِصِيدُ وتِصادِي

صياف

  سلامي رِدّيّه لها قلبُ ولسان .. صياف الحربي :

صياف

ابافزع وأطب المعركة عقب قر الهوش ..   مطلق الثبيتي

طلق الهذيلي

مرحبا في مرحبا باللي حضرنا من قبايل …   الثبيتي:

عبدالله المسعودي

سلامي على اهل الحلة اللي لها شان ٍ رفيـع  

مستور العصيمي

محاورة بين الشاعر مطلق الثبيتي  والشاعر مستور العصيمي -يرحمهم الله-

عبدالله المسعودي

ما معي فيك شك ولا معي منك ذله   عبدالله