درّستِ صيّافِ واخذَ الشّهاده ..
مطلق :
درّستِ صيّافِ واخذَ الشّهاده
لكنّ ضيّع علي الوظيفه
مشاكله ما عليها زياده
وابوه حربي واُمّه شريفه
صياف :
وانته مربّى في بيت السّعاده
منته الصّحابي نحِطّك خليفه
وان كنت قايد تعرف القياده
لا تعتزي بالقلوب الصّخيفه
مطلق :
يا الفارس اللّي عزومٍ جواده
يِطعَم برمحِه وعينه كفيفه
ترى المعَنّا بحلقِه قلاده
راكب على الكُورِ وانته رِدِيفه
صياف :
مِن كَبّرَ المِطرَحَه والوساده
يصبِح ينادَى بنفسٍ ضعيفه
طاحَ المطر طَيّري يا جراده
راحَت ثقيله وجَتني خفيفه
مطلق :
والدّابِ حطّيت فوقه رِشاده
وِان عِشتِ ما عادِ نسمَع وِحِيفه
ترى الثّبيتي مِجَوّد شِداده
يطعَن برمحِه ويضرِب بِسَيفه
صياف :
مِن تقدِرِه حِطّ فوقِه رِماده
وِاصحَى تِنُوشَ السّباعَ الوِليفه
وِان صِرتِ حَدّادِ صُونَ الحِداده
خلّك سِنافي ونفسِك عِفيفه
مطلق :
واشوف شُوشَتكِ مِثلَ العَرَاده
والغِتره اللّي عليها قِصِيفه
واحسن لك الحمل والا الولاده
يَ اَمُ الوشم والثياب النظيفه
صياف :
وانا اعبدَ الله واعرف العِباده
واعيش بين الدّيارَ المِخِيفه
وانا اعرفِ اِنّ الغَلَط فيكِ عاده
يا بو عيونٍ وِساعُ ولِطيفه
مطلق :
صيّاف ما ذِقتِ شِربه وزاده
لو كان دايم دياره مِريفه