يا شليويح المطيري صرت مثل السّوسه ..
مطلق الثبيتي:
يا شليويح المطيري صرت مثل السّوسه
كِلّ بيتٍ تدخله تعرف مخازن حَبّه
لَوْ ابوك الله حماه امْنَ امّك المنحوسه
كان صلّىٰ كِلّ ليله ركعتين اِلْـ رَبّه
شليويح المطيري:
والله اِنّا ما نخلّي حاجةٍ مدسوسه
كِلّ جِحرٍ عارفينٍ حَيّته مِن ضَبّه
ولَوْ ابوك امطلّق امّك مـَ اصبحت متعوسه
والبلا مِن راسك المقرود وانت السّبّه
مطلق :
جيت بـَ الطّاسه وتبغىٰ تحلب الجاموسه
مير حطّت فيك جرحٍ منتِ لاقي طِبّه
وانت لو تعرف جميل الغرسه المغروسه
ما رميت اغصانها في نارك المشتبّه
شليويح :
ما نلومك لاقي اِلّك كبسةٍ مكبوسه
مير من يعطيك مِن زاده لزوم اتسِبّه
انت ذيب ولاقي اِلّك صَيدةٍ مفروسه
قد فرَسَها ذيب والرّيع المراوس ذَبّه
مطلق :
لو درينا عن خفايا الخِطّه المدروسه
كان نهوي فوق راسك صبح بـَ المِرزبّه
وانت راسك بين نيبان الجمل وضروسه
والجمل يلعب علىٰ العِربان ما تلعبّه
شليويح :
الجنون ابوسط راسك كِلّها محبوسه
ولو كويتِك كانِ طابت رجلِك المِنصَبّه
الحرامي منتِ سارق مِزهِبه وفلوسه
لو تشيل الفرد والسّكّين تحت الجِبّه
91
فن القلطة