سلام يالساحل الشرقي سلامٍ جديد ..
مطلق الثبيتي:
سلام يالساحل الشرقي سلامٍ جديد
من شاعر يعرف الديرة وسكانها
ناصلك يالساحل الشرقي لو انك بعيد
ماتشكي الرجل لو تتعب على شانها
مستور العصيمي:
حييت يالغربي اللي من حدود الصعيد
جتنا بك اللي مكينتها بجنحانها
مبروك ليل يلم الناس يبن حميد
في حلة تعطي الماجوب ضيفانها
مطلق:
لولا ضلوعي متان وكلها من حديد
كان اصبحت بنت سلمى عند جيرانها
لو ماقرينا على الشيطان شره يزيد
شبو جهنم وانا طفيت نيرانها
مستور:
خابرك خابرك فالميقاف راسك عنيد
مايستوي للرعية غير رعيانها
اتريد والله يدبر لامته ما يريد
لو ما طفاها البخت يعميك دخانها
مطلق:
بيعوا جمال الشقاء ما عاد فيه شديد
ها ثم بيعوا مسام العيس وارسانها
واليوم جاني خبر لافي وعلم وكيد
ام الكباير تبي ترجع لعمانها
مستور:
يا بن حميد ترى فرقاك للناس عيد
اليا انعمر فلةٍ صكيت بيبانها
مطلق:
لولا الحبيب يدفك صرت واحد وحيد
وتمد كل الحيايا فوقك لسانها
مستور:
عمرك ثمانين يامطلق وعيا يبيد
البندقية ما عاد تحق نيشانها
مايبقي الا تحط الناس عندك عبيد
وتقول انا الي بنيت وطال بنيانها
مطلق:
عمري ثمانين عام وكل ماقمت اصيد
واما انت جالس مع امك بين ورعانها
ان مت وانته ولد ياعنك مانته شهيد
بعض الجنايز خسارة شرية اكفانها
مستور:
حطيت مال الجماعة في حسابك رصيد
ما عاد نعرف غناويها وفقرانها
ماباقي في حلوق النخل غير الجريد
التمر اكلتوه والنخلة قضى شانها