مطلق الثبيتي:
مرحبا بالي حضر من بعيد ومن قريب
يارجال بالوفاء كملت ما جوبها
قوم يا صياف والله يكتب لك نصيب
والمعاني دوبها ناحرت لك دوبها
صياف الحربي:
البقا باللي عليه الكرم ماهو غريب
والاوادم تحفظ اسرارها في قلوبها
قمت ابا اكبر واسمي على العلم الصعيب
لين اعرف اهل تهامة واعرف دروبها
مطلق:
انكفى قدر العسل وانتثر قدر الحليب
بين ناس كل يومٍ تزيد ذنوبها
زاد سقم شعيل ما عاد يلقى له طبيب
واليتيمة ما لقت من يرقع ثوبها
صياف:
زال فيّ طويق وايق عن اطراف الشعيب
ماعلي من الجزاير ومن مندوبها
ماعلي من الهلالي ورمحه يصيب
تعتليه الشمس في طلوعها وغيوبها
مطلق:
الرعية قام يعوي لها عشرين ذيب
والعيون الدعج قامت تزيد شيوبها
وانت تشعب لك مطية رضاء مدري غصيب
والحفا والشوك والسقم في عرقوبها
صياف:
ما يضيع الحق والحق مرقب له طليب
وانت تعرف مل غابة تضيع ذهوبها
مدري انت تطيب ياذيب ولا ما تطيب
من طواعين عليك العرب غنوا بها
مطلق:
المشاكل ماتخلي لراعيها صحيب
كل ما مر السواني يهز غروبها
انت ياراع البراء فيك شك وفيك ريب
كل ما فصلت بدلة تعج طيوبها
صياف:
لا تشب النار بين المداعي والمجيب
فك باب الريع لسلومها وحروبها
المحاكم قفلت والولد بامه غضيب
خلنا نقضي على نعمة فلوا بها
مطلق:
زرعك اللي تزرعه يحصدونها فالركيب
فزعتك دايم تشيل الذهب فجيوبها
رب بنتك ثم يطلع لها بكره خطيب
من رجال بالحمل ما تمل جنوبها
صياف:
كان قلبك عند اللوازم لا تغيب
قبل تغرز جمة البير عند غلوبها