الثبيتي معه نِـيّه ومسرىٰ وِ طِـرقه ..
مطلق الثبيتي :
الثبيتي معه نِـيّه ومسرىٰ وِ طِـرقه
من يخاويهِ يَـارَد فوق عِـدٍ مِصفّىٰ
والرياحي يبىٰ له وبل في وسط شرقه
وَلدِ عمّـي بخيرُ و وَلدِ عمّـه تُـوَفّىٰ
الرياحي :
هاتِ نِـيّتك لا تسرق بها العِلمِ سَرقه
وِاِسرِ تحت القمر نور القمر ما تخفّـىٰ
طالع الضّلعِ قِدمِك وِارفعَ الرّجل وِ اِرقِـه
وِابنِ عمّي خَـذَ المكسب لِحاله وِ قفّىٰ
مطلق :
الثبيتي مِعه فـَ الكبد نَـزعَـه وِحَـرقه
وانتِ في هِجرِتِـك مِثل البعيرَ المِـعَـفّىٰ
يَومَ اخَيّـل سحابٍ فـَ الشّـفا رَفّ بَـرقه
دمع عيني يِـهِـلُّ ورِمش عيني يِـرِفّىٰ
الرياحي :
حَرقِتِك من زمانٍ قام يَطرِقك طَـرقه
تِحتِرف بـَ القِـدَم لـٰكنّ تَـعبُ وتحَـفّىٰ
والبحر جيتِ في غَربه وِبهذَلك شَـرقه
كِـلّ ليله تِـبَـرّد بـَ العذابُ وتِـدَفّىٰ
مطلق :
اِن زِعِـلنا يِجِـي لـَ الرّمح طَـعنه و زَرقه
لَـينِ تَـغدِي حَـريقه جَمرَها ما يِـطَفّىٰ
كِـلّ ضِلعٍ يِـدِسّك عن عِتيبه تَـعَرقه
قبلِ زِبدِك يِميع ومِن قدُورَه تِـكَـفّىٰ
الرياحي :
رُوحِ لـِ اللّي علىٰ بالِـك وِخِذ منه فَـرقَـه
بعدِ صالونك الزّين اِنقَـلَب فـَ المَـلَـفّىٰ
كِـلّ وَادٍ يِسَلّيني لِـيَا اوحَيتِ وَرقِـه
وانتِ حُـوتَـة بحر مير البحر عنك جَـفّىٰ
مطلق :
اسرِيَ اللّيل يوم الّليل بَـردٍ وِ غَـرقَه
وانتِ راقِد تحَت هاكَ اللّحافَ المِـضَفّىٰ
كِنتِ مِصحِب بِـلِيسَ اللّي بِدِرعٍ و دِرقه
وانتِ مالِـك ورىٰ الشّيطان مقصَد وشَـفّىٰ
