زاد الكـلامُ وزادت الصّـفّـين ..
حبيب العازمي :
زان الكـلامُ وزانت الصّـفّـين
من شافِ راعَ السّـيلِ من شافـه
بيني وبينه سَـلّـة السّـكّين
ما فيه لا رحمه ولا رافـه
مطلق الثبيتي :
لو تِـلـتِـبس لك بينهم بِـشـتَـين
البـحر ما ينـقِـصهِ غـرّافـه
بالـهَونِ يا راكان ابو حثلَين
اللّي عَـشَق درب العَـنا عافـه
حبيب :
الشّـرع يحكم والشّـهود اِثـنَـين
غير الـثّـنَـين اِثـنَـينِ حَـلاّفـه
وراك يا مطـلق تِـلِـدّ العَـين
وش شِـفت قِـدمَ الـذّيب وخلافـه
مطلق :
ما لِـك ورانا يا حِـبـيّـب دَين
والسّـاق ثابِـت فوق مِـيقافـه
ما شِـفت قِـدمَ الـذّيب غير الـزّين
واللّي يطَـرّف فالخَـلا حافـه
حبيب :
خَـلّيت الاردن يا الشّـريف اِحسَـين
والخـوف في جـوفه وفـَ اطرافـه
سَـلْمَ العرب وقت القِـسَا واللّـين
كِـلٍ عَـلاهـِ اِيضَـفّـي اِلْـحافـه
مطلق :
اللهِ يا حسـبي علىٰ الاثـنَـين
كِـلٍ يـصيد السّـبع بـَ اطرافـه
الـموتر اللّي صانعـه فالصّـين
اعمـىٰ عيون النّـاسِ كشّـافـه
حبيب :
الله دعى فالوَعـلِ ابو قرنَـين
عَـوّد يِـدِفّ الضّـلعِ بـَ اكتـافـه
لـٰكَـنّ جاي اِمنَـينِ رايح وَين
يا سِـرعِ مِـيقافه ومِحرافـه
مطلق :
اِجـنَـيه ابو نخله وابو سَـيفَـين
ما عادِ لِـه فالسّـوقِ صَـرّافـه
ترىٰ الثّـبيتي يا غراب البَـين
معروفِ مِـرباعـه ومِصيافـه
حبيب :
الظّـاهر اِن صرّافـته مـِقفين
هَـبّـت بهم مع راس مِـهيافـه
اِصبِـر شويّـه والعـلومِ اِتـزين
يا الافَه انته قِـدمك الافـه
مطلق :
بعض العرب فيهم طِـباعٍ شَـين
اِعصِـيّهم لَـلقطنِ نَـتّـافـه
الشّـيخ من لا يـتبع المِـقـفِين
كِـلٍ يرجّـع فوقـه اسـلافـه
حبيب :
ما هم بِـمِـنّا من هَـلَ الضّلعَـين
اللّي تـعَرف القِـطنِ واصنافـه
باللِه لا تاكِـل علىٰ اللّحـيَـين
خَـلّ الهـلال اِيـوَقّـف اِسعافـه