يا مكثر الشعار بين الجماهير..
صياف الحربي:
يا مكثر الشعار بين الجماهير
عند الطلب ما يقبلون المعاذير
كلٍ يبي الموال مع دقة الزير
طول علينا الليل ياليل يالليل
كل يبي يبي الموال لو كان بالمشعاب
والناس تعبان والناس تعبانه
اثر الثبيتي يوم ولع زقاره
يبا يشب النار في كل حاره
ومن الزعل يقطع ثلاثين اشاره
طول علينا الليل يالليل يالليل
لا تحرق الدنيا يالشاعر النشطان
والارض مليانه والارض مليانه
مطلق الثبيتي:
اليا بدا نور القمر نسري الليل
والشعر للشعار حمض الرياجيل
وان كان ….. الضرمان بالبن والهيل
طول علينا الليل يالليل يالليل
انا من البارح لقيت ولد الداب
نايم مع اخوانه نايم مع اخوانه
انا على الدرب العرب واتذرا
واما انت يا صياف فالبرد برا
لكن بالله فوقنا لا تجرا
طول علينا الليل يالليل يالليل
يا مذن المسجد لا تهدم المحراب
جاي على شانه جاي على شانه
صياف:
الله يعينك فالليالي الاخيرة
الناس تصنع لك سلاح ذخيرة
حتى ومطير …. جاتك مغيرة
طول علينا الليل يالليل يالليل
اما يروح حساب واما تجيب حساب
والصبح برهانه والصبح برهانه
لو ودنا ياشيخ نسمع كلامك
ولو صحت ماقلنا علامك علامك
الله يباركلك سماك وطعامك
طول علينا الليل يالليل يالليل
قم صلح القهوة ثم صب للشراب
ولا اقطع لسانه ولا اقطع لسانه
مطلق:
ما همني ليلى ولا همني قيس
العاشق الي لحيته كنها لحية التيس
يقوم من نومه وانا اعّوذ ابليس
طول علينا الليل يالليل يالليل
يالله عسى الخلفة ماترمح الحلاب
وتهج ورعانه وتهج ورعانه
ان طعت شوري فانت قصر حبالك
وليا قرصك الداب مالي ومالك
وان مت اوديك بكره عيالك
طول علينا الليل يالليل يالليل
انا …… الشلفا ويجيلها مصراب
ياراعي الدانه يا راعي الدانه
صياف:
اليا شرينا للمدافع قنابل
الظاهر انك منت قادر تقابل
ماترقد الا فوق فرش الحنابل
طول علينا الليل يالليل يالليل
ازهم على السايق لا يقلب الركاب
ونقص ذرعانه ونقص ذرعانه
انا نصحتك عصر لا تنزل السوق
منت مناطح روس برقا وروق
ان كنت خايف ياحمر من فوق
طول علينا الليل يالليل يالليل
قوم ازهم الجندي ياعيد بن حباب
عانه وقف عانه .. عانه وقف عانه
