يالرياحي تعبت وبركن الركايب
مطلق الثبيتي:
يالرياحي تعبت وبركن الركايب
تسبر النجمة الي في سماها بعيدة
من تركها ولد ما جات والراس شايب
خلها عنك والبس لك ثيابا جديدة
فيصل الرياحي:
التعب للرجال ولا علينا غرايب
وانت لا شفتنا لازم تعيد القصيدة
جابها الله من اهل الوجه الابيض وهايب
شيب ولا شباب اهل الفعول الحميدة
مطلق:
منت عنها بيعد الدار تايه وغايب
مايعرفونك الا صورة فالجريدة
الليالي تدور وكلبوها مصايب
اسكني ياهبايب وابردي ياحديدة
الرياحي:
ماحد طايعك يالي تحب الطلايب
انت ماعاد تبغى للقبايل شريدة
وانت وين انت ساكن لو تهب الهبايب
لقمتك فالرياض وشربتك من زبيدة
مطلق:
ما بقى الا القبور اللي عليها النصايب
من سكن في حداها ما حياته سعيدة
من يلاوي صروف الدهر شاف العجايب
كل يوم من الاصحاب نفقد فقيدة
الرياحي:
مابحثنا القبور ولا قربنا الزرايب
والله الي عطا العقال الاريا السديدة
المراجل غدت بين النشاما نهايب
وانت مسلم ولازم تلتزم بالعقيدة
مطلق:
يتعب الاجنبي والطيبة للقرايب
دوب جتنا مع الناس العلوم الوكيدة
ان بغيت النصيحة ياعطيب الضرايب
لا تصدف سعيد ولا تصدق سعيدة
الرياحي:
حصولها الرجال مجرية كل هايب
كل حر محنك يبلغ الي يريده
لا دفعنا الوجيه ولا دفعنا الضرايب
وانت خلك تغني والعرب مستفيدة