قامِ يَحكِم قيوده

مطلق الثبيتي و مستور العصيمي ( العصيمي علينا قام يحكم قيوده ) الرياض 21-10-1415 هـ

العصيمي علينا قامِ يَحكِم قيوده ..

مطلق الثبيتي :
العصيمي علينا قامِ يَحكِم قيوده
بعد ضَلاّ وِسيعٍ خاطره وِاِمتَـهادي

كانِ عِـدٍ لِـيَا مِـنّا ضِمِـينا نِـرُوده
والعِـشِيّه كِمـا حِـسوٍ علىٰ جالِ وادي

مستور العصيمي :
والثّبيتي عرفنا صادِرِه مِن وُرُوده
كِلّما راحِ له مِع دَربِ صار اِمتَـحادي

كِـلّ واحد علىٰ الثّاني يُوَرّد شهوده
لاَ تِـضَيّع صوابك جِعلِ يَهدِيكِ هادي

مطلق :
راعيَ الجُودِ ما ننسىٰ جِمِيله و جُـوده
مَيرِ وِش بِـك تِـلَقّينا دِرُوبَ السّنادي

راعِيَ الصّوتِ مِـنّا يـَ العصيمي نِـزُوده
رَاحِ وقتَ الخناجِـر وَالسّـيُوفَ الحِدادي

مستور :
المِـثَل قالِ كِـلٍ نَـجدِته مِـن عضوده
ما تِـفِيدَ العلومُ ولاَ تِـفِيدَ الدّوَادِي

كِـلّ مِسلم يِراقب خالقه وِاِمعَـبُوده
وَانتِ رَجّالِ يا مطلق وِفِـيكَ السّـدادي

مطلق :
العَـرَب ضامِـيَه والمِزنِ تَـزهَـم رِعُـوده
ميرِ بـِ الله تَـلَـبّس لِـك ثِـيابٍ جِـدادي

دَوّروا لـَ الجِـمَل رَجـلٍ بِحِكمه يِـقُوده
وَابشِرُوا بَعدها بـَ الطّـيبِ هَـيلُ وزبادي

مستور :
لاَ تَـعَدّا علىٰ اللّي ما تَـعَـدّا حِـدُوده
عَـطّرَ اللّيلِ يا مطلق بِـعَـنبَـر وِكادي

كِـلّ واحد يِـوَلّـع نِـيرِته مِـن زِنُـوده
مَـن هُم اَهلَ الرّدُوفُ ومَـن هُم اَهلَ الشّـدادي

مطلق :
عَـادَةَ الضّابطَ اللّي ما يِـدَارِي جِنُوده
ما يِـعَشّي جِنُوده مِن عِمُودَ الجَرادي

اِتـرِكِ اللّي مِضىٰ والوَقتِ مِـقبِل سِـعُوده
لاَ تِـمَـادىٰ مِـع اَهلَ الغَـيّ وَاهلَ العِـنادي

مستور :
مِـن عَـرَف مِسلِمينَ الوَقتِ يَـعرِف يِـهُـوده
كِـلّ زَرعٍ يِـطُولُ ويِـقتِـفِيهَ الحَـصَادي

بَيتِك اللّي بَـنَـيتَه ما طَرَحنا عِـمُوده
مَيرِ جَـاهَدتّـنا قِـدّامِ وَقتَ الجِـهادي

صياف

الحريبي ينفض اللحية ويطوي في معمه المغترة 1405 هـ …

فيصل الرياحي

يالرياحي تعبت وبركن الركايب   مطلق الثبيتي: يالرياحي تعبت وبركن

صياف

  سلامي رِدّيّه لها قلبُ ولسان .. صياف الحربي :

خلف بن هذال

محاورة بين الشاعرين مطلق الثبيتي -يرحمه الله- وخلف بن هذال

خلف بن هذال

محاورة بين الشاعرين الثبيتي -يرحمه الله- وخلف بن هذال في

حبيب العازمي

سلام يا للي يسلي شوفهم في كل الايام ..