نبي عيد ونجم وسرور وجويبر وابن مبخوت ..
مطلق الثبيتي :
نبي عيد ونجم وسرور وجويبر وابن مبخوت
يعزون الصفوف وكل عزوة دون ماقفها
ولا يا حرب ياللي كل ليلة تقنصون الحوت
لقيتو حوتة ما كل قناص يحرفها
صيافي الحربي:
زهمت قليل العربة وخليت الكثير سكوت
وتعديت الحدود المستقيمة وانت شايفها
قنصنا فالليالي المستطيرة وانت مالك صوت
وصرفنا لك الاتراك وانت ماتصرفها
مطلق:
ليا عفت الحياة وذقت يا صياف طعم الموت
تشوف امك من الرحمة تغطيك بشراشفها
بعد صخن ترمبيلك تريح واقشع الكبوت
زيوته زايدة لو كان بالمغراف تغرفها
صياف:
ليا قامت وشبت نارها حنا كبار بخوت
ولا يغلب على المجنونة الا من يكتفها
ترمبيلي نجح وانت تقدم للوزير كروت
تبى حارة ثبيت بطايرات البنق تقصفها
مطلق:
ليا ضمي المهندس كيف يشرب من شحم وزيوت
وله سيارة لو جاع يقضم من رفارفها
ولا يا عمدة الحارة تشيل السيف والنبوت
وقرصناك تسويها وتسقط من مجارفها
صياف:
قربت الكورة الي دونها الحارس يشوتك شوت
ومكة قفلت ما عاد تقرا في مصاحفها
ابو نواس قالوا عنه يعمل للرجال انكوت
مكيف عند جيرانه ونفسه ما يكيفها
مطلق:
ابو عرام قالوا يعمل للرجال بشوت
بشوت طيبة لكن ما نقدر نوصفها
احد فالقيد يا بو زيد فالخلا مفلوت
ليا حصل رديفة يا احمر العينين يردفها
صياف :
لو انك حركت المحطة ما رفعت الصوت
شبعت من الطماعة والبضاعة ما احد كا شفها
عليكم كارثة يا مدخلين البشت تحت الكوت
على شان الاوادم فتحت تبغى تلحفها
مطلق:
شكيل الناس ترقد فالصعيد وريعها المنحوت
تغطرف من مصايبها ولا نسمع غطارفها
صلاتك يا وسيع المعرفة دايم وتر وقنوت
تطوفك الحضارم وانت ماتقدر تطوفها
صياف:
لقيت ابن حميد فالبلد يعمر ثلاث بيوت
وسوى له صداقة خير ما كل يصادفها
انا صليت لله وانت تركعها تدور قوت
ومن ذكى ذلوله فالبلد يا خذ كنادفها
مطلق:
ديارك يالتهامي بعد ما رحت دهر ووقوت
رياجيلك ليا ماتت تكفن في مناشفها