يالعصيمي نسمع الرعد ونشوف البروق ..
مطلق الثبيتي:
يالعصيمي نسمع الرعد ونشوف البروق
مير ظني ما سقى الظامية من حلو ماه
قسمو ربعك وقالو لنا برقا وروق
وش ورا تقسيمكم يالعتيبي وش وراه
مستور العصيمي:
يا ثبيتي وينه البرق ويبسن الحلوق
جاع جم البير والغرب طوينا رشاه
لو تقسمنا فريقين وافين الحقوق
ما يضيع الحق بين المفاتي والقضاه
مطلق:
منت معنا يالعصيمي كذوب ولا صدوق
كل ما عديت ضلعٍ تدربي لك حصاه
والله انا نبالك صبوح ولا غبوق
ما نبي الا تجهد فالصيام وفالصلاة
مستور:
المكاسب ما يدور لها في كل سوق
من يطب السوق يعرف بويعه من شراه
وانت شاعر كل يوم تغني لك طروق
لا تغنيلي ترا الذيب جلاني عواه
مطلق:
فيك عجلة يوم اناديك وحصانك سبوق
ما تعرف الوقت وشلون غيضه من رضاه
اشتري وابتاع ماني ختول ولا سروق
ما اسرق الا راس كبشٍ سمين وراس شاه
مستور:
لا تبوق العهد والي سواتك مايبوق
يا ثبيتي ما اشين الفقر من بعد الغناة
لو تضيع الشاة والكبش عقبه وش تذةق
الزمان الي به الذيب ما يلقى عشاه