هلا يا مرحبا حياكم الله يا مسايير ..
احمد الناصر:
هلا يا مرحبا حياكم الله يا مسايير
هل الدار وهل المشوار من ديرة لديره
على خير اجتمعتوا يا عساكم من هل الخير
لنا ولكم لعل الخاتمة خير وخيرة
مطلق الثبيتي:
يدوم لك البقا يا شاعر مافيك تقصير
عدد مشي الركاب من العراق ليا الجزيرة
الا يا طير جعلك تنفض الجنحان وتطير
ترى الطرقة على طير السعد ماعي قصيرة
الناصر:
اشوف البحر الاحمر تزدحم فيه البوابير
وحمولتها ثقيلة مار يالله الستيره
انا باخذ مع اهل الغوص خمسة مشاوير
واناظر في عيوني بالكبيرة والصغيرة
مطلق:
ترا العّراف دايم يدهنون السير ويسير
ويشفون المريض منوم في سريره
هموم القلب تجلاها مقدّية الطوابير
ورجالٍ يجي نحرهم يعرف مصيره
الناصر:
الا يالله يامزّ الحيام من أسفل البير
تسهل درب من سير وواصل في مسيره
ترى البعض العلوم مواريد ومصادير
وانا احب البعير الي يقبقب في هديره
مطلق:
انا خابرك يا احمد ما لك الا شاه وبعير
وكيلة حب في جوف الرحاة المستديره
أبدعي يربح التاجر بعد كثر المخاسير
قبل لا ياصل الميراد ويغثرب غديره
الناصر:
جبل كبكب يبا يرحل وينزل بايسر النير
ليا حاسبتني تتعب دفاترنا كثيره
عسى ربي يدبرنا على زين التدابير
ترى من حاسها ياثبيت حاس الله مريره
مطلق:
ابا ادرج خطايه لو على روس المسامير
وابعرف سارق الصندوق وابا اعرف خشيرة
انا اعرف عنتر الفارس وانا اعرف سالم الزير
لو اني ما شربت الماء من وسط بيره
الناصر :
ليا ان النار ماتت فانتبه لا تنفخ الكير
يقولون المعاون ما يقّسم لك ظفيرة
انا بشهد عليك الله واشهد فالجماهير
وانا مالي بعض الايام استشيره
مطلق:
مع الجهال دايم مايفيدن المعاذير
اجيب العذر الاول ثم ادور عذر غيره