مطلق الثبيتي:
ابعدو صياف فالرس عن شط البحر
لا يشوف الحوته الي يعرض اضلوعها
لو يطول الليل للناس ويغيب القمر
كل عينٍ فوق شوفه تهل ادموعها
صياف الحربي:
لي قلب ولي عينس يقديها النظر
كل دار اعرف اهلها واعرف طبوعها
وانت رجال معك علم وتصارع دهر
كل ما لاعتك بالصوط قمت تلوعها
مطلق:
اسهري ياعين يالي تحبين السهر
لو تجمع حرب لازم نطش جموعها
هقوتي شيخ القبيلة عمى ولا عور
يوم ربعه ماعرف شبعها من جوعها
صياف:
افتح اذنك يالثبيتي وتسمع لك خبر
وازهم العتبان ترسل عليك افزوعها
انت تخبرني مسقيكم الدم الحمر
كل ما هزيت شجرة طلع جربوعها
مطلق:
انصب الخيمة على الدرب ويجيك المطر
ما نقصه لين جدتك تلحس كوعها
ما يهوش المصري الا ليا حول مصر
واهل مصر ان طرفت كل شي يروعها
صياف:
في طريقك ناس وقلوبها مثل الحجر
مير خلك صقر واخضع لحكم شروعها
لو عمتكم حليمه توديكم قطر
ما سلمتم من قشرها ومن قاطوعها
مطلق:
لو نهزك هز بشويش بالغصن الخضر
يبس عرق الشجرة الي طوال فروعها
ياوسيع المعرفة لو تموت من القهر
الكبود اتحزها والقلوب اتزوعها
صياف :
انت لو تشوف بقعا تلقيها الظهر
لو تشوف الخيل بسراجها وقروعها
