عشرين صيافي

مطلق الثبيتي & صياف الحربي ( ليت من ربعنا عشرين صيافي ) مكة ١٤١٣ هـ

عِـدّ نَـوّ عَـلَيه اِيزَلـزِلَ الرّعّـاد ..

 

مطلق :
عِـدّ نَـوّ عَـلَيه اِيزَلـزِلَ الرّعّـاد
مرحبا بـَ الضّيوفُ ودِرعِيَ الضّافي

الجِـمايِل عَلَـيّه ما لهـا عَـدّاد
لو عطَيت الفُوادُ ودَمّيَ الصّافي

 

صياف :
عِـدّ ما عادِ عِـيدَ الله وعِيدِك عاد
البِـقىٰ بـَ الصّديقَ الطّـيّبَ الوافي

العـرب بينهـم دَربَ الـوِفا يِـنقاد
نَـمشِيَ الدّربِ لَـوِ اِنّ القِـدَم حافي

 

مطلق :
ما نَبَـىٰ نركَـبَ الحـرّه بِـ غَير اِشـداد
لَـو حِـمُولَ الزّمانِ اِثقـالِ وِاخفَـافي

 

 

صياف :
نَـعرِفَ الدّربِ فـَ المِـصدارِ والمِـيراد
وَالذّيابه تِـعَـدّي كِـلّ مِـشرافي

السّـوالف جِـديدَه واللّـيال اِجـداد
مِـن يِـجِي مِستريحِ اِيرُوحِ مِتعافي

 

مطلق :
وَالله اِنّـي بِـ نِعمه والسّيوفِ اِحداد
وَابيَـضَ الوَجه فـَ البَـيّـن وِفَـ الخافي

ما علىٰ الواجِـبه وَاهلَ الوِفا مِقعاد
عَـلّم اللّي رِقَـد فـَ المَـرقَـدَ الدّافي

 

صياف :
الكَـرم والشّرف يُوجَد في كِـلّ اِبلاد
راعِـيَ البَـيّـنه يِـعـرَف وِيِـنشافي

يا كِـثِر ما في خَلقَ الله مِـنَ الحِسّـاد
مَـيرِ قِـيمَ الصّـلاهـُ وقُـولِ يا كافي

 

مطلق :
وَاجِبَ اقُولَها وَاعلِن علىٰ الاشهاد
لَيتِ مِـن رّبعِـنا عِـشرِينِ صَـيّافي

(الجِـزَا) عِندنا ما طَـرّقَ الحَـدّاد
اِن بَـغىٰ مِـن طَرَفنا رَدّ الاَسلافي

 

صياف :
خِـفّ رِجلِـك مع المِحدارِ والمِسناد
وِانتِـبه لـَ الرّمي قِـدّامِ وِاِخـلافي

لاَ تِـغِـرّك سِـوالِـفنا علىٰ البَـرّاد
فِـيهِ جِـهّالِ عِـرفُ وفِـيهِ عِـرّافي

 

مطلق :
ما شَـحَـنّي هَـلَ البَصره وَاهَل بغداد
عَـلّم اَهلَ المِـدينه وَاهلَ الاَريافي

بعضَ الاصنامِ ما تلقىٰ لَـها عَبّـاد
لَـو تِـقولَ الصّـنَم مَـزيونِ وِسنافي

 

صياف :
اِحتِـزِم بـَ السّلاحُ وصِـيدِ يا صَـيّاد
لَـوّ بعضَ الطّـيورَ الشّـهبِ يِـنعافي

مطلق :
من يوم جا للحفل ابو مشعاب
من حقنا نسمع سواليفه

 

هلال السيالي

سلامي يا سيوفٍ في صليب العظم بتَّاعه ..   الثبيتي:

سالم الداوي

هلا يا مرحبا بضيوفنا و ربوعنا الغالين ..   الداوي:

مستور العصيمي

سلامَ الله سلامٍ يرفعَ الرّاس ..   مطلق الثبيتي :

صياف

    مطلق الثبيتي: مرحبا بالي حضر من بعيد ومن

صياف

  صياف: أكثر العربان يلزمها وكنّه ما لزمها ثم راح

هلال السيالي

عداد نوٍ حنّ رعَّاده ويشعل بالبروق ..   الثبيتي: عداد