عِـدّ نَـوّ عَـلَيه اِيزَلـزِلَ الرّعّـاد ..
مطلق :
عِـدّ نَـوّ عَـلَيه اِيزَلـزِلَ الرّعّـاد
مرحبا بـَ الضّيوفُ ودِرعِيَ الضّافي
الجِـمايِل عَلَـيّه ما لهـا عَـدّاد
لو عطَيت الفُوادُ ودَمّيَ الصّافي
صياف :
عِـدّ ما عادِ عِـيدَ الله وعِيدِك عاد
البِـقىٰ بـَ الصّديقَ الطّـيّبَ الوافي
العـرب بينهـم دَربَ الـوِفا يِـنقاد
نَـمشِيَ الدّربِ لَـوِ اِنّ القِـدَم حافي
مطلق :
ما نَبَـىٰ نركَـبَ الحـرّه بِـ غَير اِشـداد
لَـو حِـمُولَ الزّمانِ اِثقـالِ وِاخفَـافي
صياف :
نَـعرِفَ الدّربِ فـَ المِـصدارِ والمِـيراد
وَالذّيابه تِـعَـدّي كِـلّ مِـشرافي
السّـوالف جِـديدَه واللّـيال اِجـداد
مِـن يِـجِي مِستريحِ اِيرُوحِ مِتعافي
مطلق :
وَالله اِنّـي بِـ نِعمه والسّيوفِ اِحداد
وَابيَـضَ الوَجه فـَ البَـيّـن وِفَـ الخافي
ما علىٰ الواجِـبه وَاهلَ الوِفا مِقعاد
عَـلّم اللّي رِقَـد فـَ المَـرقَـدَ الدّافي
صياف :
الكَـرم والشّرف يُوجَد في كِـلّ اِبلاد
راعِـيَ البَـيّـنه يِـعـرَف وِيِـنشافي
يا كِـثِر ما في خَلقَ الله مِـنَ الحِسّـاد
مَـيرِ قِـيمَ الصّـلاهـُ وقُـولِ يا كافي
مطلق :
وَاجِبَ اقُولَها وَاعلِن علىٰ الاشهاد
لَيتِ مِـن رّبعِـنا عِـشرِينِ صَـيّافي
(الجِـزَا) عِندنا ما طَـرّقَ الحَـدّاد
اِن بَـغىٰ مِـن طَرَفنا رَدّ الاَسلافي
صياف :
خِـفّ رِجلِـك مع المِحدارِ والمِسناد
وِانتِـبه لـَ الرّمي قِـدّامِ وِاِخـلافي
لاَ تِـغِـرّك سِـوالِـفنا علىٰ البَـرّاد
فِـيهِ جِـهّالِ عِـرفُ وفِـيهِ عِـرّافي
مطلق :
ما شَـحَـنّي هَـلَ البَصره وَاهَل بغداد
عَـلّم اَهلَ المِـدينه وَاهلَ الاَريافي
بعضَ الاصنامِ ما تلقىٰ لَـها عَبّـاد
لَـو تِـقولَ الصّـنَم مَـزيونِ وِسنافي
صياف :
اِحتِـزِم بـَ السّلاحُ وصِـيدِ يا صَـيّاد
لَـوّ بعضَ الطّـيورَ الشّـهبِ يِـنعافي
مطلق :
من يوم جا للحفل ابو مشعاب
من حقنا نسمع سواليفه