ياسلام الله عليكم بعد طول الغيبة ..
مطلق الثبيتي:
ياسلام الله عليكم بعد طول الغيبة
جيت من يم الحجاز وباسبورت حجازي
ياشليويح المطيري صرت مثل الشيبة
قبل الحزات جيت يمك غازي
شليويح المطيري:
مرحبا بالشاعر الي ما يعرف الهيبه
والحجازي شبها بين العباد بقازي
لو شايب عارفٍ للعبة ام ركيبة
وانت يالممتاز مشروبنا الممتازي
مطلق:
الحجازي في حجازه ما يسيل شعيبه
وانت في نعمه ومن شرب الصبوح تنازي
كل ما حصل غنيمة حطها في جيبه
يسرق البصرة ويسرق بعدها شيرازي
شليويح :
انت في نعمه ودهنك مغرق التشريبه
لا تحايل لا تعكز لك على معكازي
السنون جداد ما ركبت لي تركيبة
وانت لقيت طماعة تنهاز ما يعتازي
مطلق:
المهندي عارف بخله وعارف طيبه
يربط المسمار والمسمار بعده بازي
العشية دوب حلت فالديار مصيبه
الطيور البرق تاكل من حصيل البازي
شليويح:
انت لك مسباح بعض مرار ماتومي به
ما نباها عنصرية خايف تنحازي
الطيور الها عوايد والعشا تحريبه
تحسب انك شلت حملة جمس ماتنرازي
مطلق:
ياشليوح المطيري فيك شك وريبه
كل ما جيتك تدس السير والمخرازي
كل ما مريت لي ثعلب يهز ذنيبه
ولع النور الطويل وشغل الغمازي