يا سلام الله عدد من وبل السحاب ..
مطلق الثبيتي:
يا سلام الله عدد من وبل السحاب
في ديار ينبت العشب في ريضانها
شبو النيرات بين الشيابه والشباب
ياصفوف الملعبة وسعوا ميدانها
محمد الجبرتي:
مرحبا بك يالثبيتي عدد خط الكتاب
جيت من شانطط ولا جيتكم من شانها
جيت افصل لك عمامه وافصل لك ثياب
وانت حية تلحس الميركة بلسانها
مطلق:
يالنهاملي جيت هابط تبا تملا الجراب
والحضارم من ضحى قفلت دكانها
مير عود بالسلامة مع عقرب وداب
غير راس الحية خضر نيبانها
الجبرتي:
جيت باغ السمن لكن من دونه كلاب
والكلاب مشوشة وانكرت جيرانها
انت باغ السيف لكنك اخطيت النصاب
مير شد الحيل والخيل في ميدانها
مطلق
بعد بركت العوادي على روس الحراب
كيف تبغاها جمال تهز ارسانها
أقفل الصندوق واقفل على الصندوق باب
قبل لا نفرق عن الجمجمة لحيانها
الجبرتي
انت يا مطلق علامك تفتش فالزهاب
يوم تلزم راسها جاتكم كرعانها
جيت ابا العب وارمي الحصب في الحصاب
يوم ليلة عشر لين انخزا شيطانها
مطلق:
بنية ماهي على ساس تاليها الخراب
لو سيوف الهند فيها ومع سكانها
صدر الضميان عنهم ولا ذاق الشراب
قربته شنّه ولو هي وساع اركانها
الجبرتي:
الخرابة بابها مندفن تحت التراب
يوم تطبع بابها تنفتح طيقانها
يالعتيبي ليش تبحث كما بحث الغراب
عمتك خانت واشوف الخون باعيانها
