واهنيك كل ظبي يمرك ..
مطلق الثبيتي :
واهنيك كل ظبي يمرك
وانت بالعنيين ترعى مسيره
آه يابن تويم لله درك
ليت لي معكم محل وجيره
محمد ابن تويم:
الله أنه يكفي الناس شرك
اثر لك يا ذيب: نظره خطيره
ارع نفسك والحذر لاتغرك
ثم نعطيك الطويله قصيره
مطلق:
ليه يالظميان مارویت حرك
وانت عند الملا على جال بيره
الو تهز الغصن والا يجرك
كان يغدن الثماري نثيره
ابن تويم:
كيف تنشد عن خبر ما يسرك
انت أعمى قليب واعمى بصيره
والغصن لن برنی ما يبرك
قيل مطلق يم ( لندن ) عشيره
مطلق :
انت راعی بر معجبك برك
واما انا غيرت ديره بدیره
یا ذهب ودى عن الناس أصرك
لا تقفي بك خيول مغيره
ابن تويم:
یا جمل یا نازح من مقرك
هز راسك في الديار المخيره
والحذر تصبح معقل مبرك
بارك يرغی وفاقد هدیره
مطلق :
المعانی بیننا لا تحرك
لو تحرك بك جبال الجزيرة
الله يعافيني ولا يضرك
مانبي تقفل عليك الحظيره
ابن تويم:
بالشجاری والحصى لا تعرك
لو يشبون لك الاجناب نیره
انت ياذيب الفريش اثرك اثرك
تأكل من القوم لقمه کبیره