تجبر الدنيا بنادم يدور له رفيق ..
مطلق الثبيتي:
تجبر الدنيا بنادم يدور له رفيق
سيف والا خنجر ما يهز انصابها
مرحبا ترحيبةٍ ساسها ساس وثيق
عن رجال المعرفة ما تقفل بابها
شليويح بن شلاح:
خصمي الي كل ما قام يفتح لي طريق
اخذ سيفٍ ماتوقيه عوج ارقابها
البقى باللابه الي يعزون الصديق
ياذيابن ماتوالف ياكود ذيابها
مطلق الثبيتي:
انت تنقل فالحطب من فريق ليا فريق
لا تولع في خدور البدو واعيابها
من جهنم ياشليويح ماظنك عتيق
والجنازه عقب بكره تشوف احسابها
شليويح بن شلاح:
لا تلوم الي من البير يطلعله غريق
اشرب الما من دلييّ وانا جذابها
يابليس اغويت لك ناس يوم انك تويق
وابشر انك في زمهرير يا شبابها
مطلق الثبيتي:
انت تشرب غرب كامل ولا بل الك ريق
مير من حصل ديار الحيا فلا بها
شفت اخوك من الرضاعه وابن عم شقيق
يطلبون من المحاكم تفل اكتابها
شليويح بن شلاح:
اخذ المكيال وافي وارجع له وسيق
من رجالٍ للطماعة تهز احرابها
لاتشيل اطويق وانته وانتزله يم المضيق
الدير معروفه اسهولها واهضابها