سلام رده للضيوف وللمعازيب الكرام ..
صياف الحربي :
سلام رده للضيوف وللمعازيب الكرام
ردة شرف نبدا بها للي يحسب احسابها
انا ليا شفت الثبيتي قلت قام الحظ قام
اما يجيب السالفه ولا يقفل بابها
مطلق الثبيتي :
يامرحبا في مرحبا بالي يردون السلام
في حلةٍ تدرج بها الدله على شرابها
مادمت حولي يالسحيمي لا تخاف ولاتضام
امن الذياب الي على الطرقي تحد انيابها
صياف الحربي :
حنا عطيناكم لقى وانتم سريعين المقام
فالليله الي … الاصحاب عند اصحابها
خوينا فالنور مدري وش يسوي فالظلام
الظاهر انه جمع اقدور العشا واقفا بها
مطلق الثبيتي :
شبيت نارك لين ماع المخ من صم العظام
واظن بعض النار ماموره على شبابها
من يحسد العربان ماله لا صلاه ولا صيام
لو كان يدهن بالشمطري لحيته واشنابها
صياف الحربي :
شبيتها عشرين يوم وغلق الما والطعام
واليوم هذي حفرة الديبان دور بابها
مالت عيونك للمنام وعين غيرك ماتنام
يالي تمرك ليلة الجمعه ولا تشقا بها
مطلق الثبيتي :
اليوم نوخت البعير اشعيل مردوم السنام
ماعاد يهدر للجمال الي طوال ارقابها
انته تلحمها عليّه مير فكيت اللحام
لكن عذّر من هذا القصه ولا تضرا بها
صياف الحربي :
لابارك الله فالرصاص الي يطيح من الحزام
والبندق الي مالها بارود مايرما بها
اما توخر خطويتن اخلاف ولا للامام
ولا تعشتك البسوس الي تهز اذنابها
مطلق الثبيتي :
ان جيت اوصفكم تراكم لاصقور ولا نعام
انتم سوات العله الي مالقيت اطبابها
يا كثر حرب الي تسيّر بين زمزم والقام
وان حولة في حفرة التوبه تشد اثيابها
صياف الحربي :
الله يعين ابن الحلال الي بلاه ابن الحرام
ايقص جره ذاهبه واليا لقاها جابها
ندخل بمكه محرمين ولا نطوف ابلا حرام
ماكن بعض الناس يدخلها ولا صلا بها
مطلق الثبيتي :
ماني بشاري لي جمل ماله شداد ولا خطام
مايصلح الا للهنود الي كبار اعيابها