ياسلام الله على الي حكمهم حكم الشريعه
شليويح بن شلاح :
ياسلام الله على الي حكمهم حكم الشريعه
والشريعه حكمها يرضي جميع المسلميني
كل بدعه زايله والله يجنبنا البديعه
اهدنا ياربنا واصلح لنا دنيا وديني
مطلق الثبيتي :
مرحبا ياشاعرٍ عاصي وحنا مانطيعه
كنه المسمار الازرق بين حجاني وعيني
الكويت اكلو حصيله والحجاز اكلو ربيعه
واحدٍ وجهه ليا شفته كما وجه الخميني
شليويح بن شلاح :
بيننا المعنى وداعه وانته ابخص بالوديعه
انتبه واحذر تضيع السالفه بينك وبيني
يوم بعتو واشتريتو ويش منتوج المبيعه
رابح لك عشر ولا خاسر فوق اربعيني
مطلق الثبتي :
ياشليويح المطيري لاتضيق ابك الوسيعه
لاتعبّث في رحاة العز وتدش الطحيني
والله اني في ديار العز وحصوني منيعه
لو احرك شوكة الميزان بين الكفّتيني
شليويح بن شلاح :
لاتحصن يالمحصن فالحصون الي مريعه
انت مكي ياوسيع المعرفة ولا مديني
