يامرحبا عد نو بارقه لاح ..
مطلق الثبيتي:
يامرحبا عد نو بارقه لاح
الجاهز اللي رعوده يزعجنه
في حلة في طرفها البال يرتاح
اللي تراحيبها فرض وسنى
عوض الله ابو مشعاب:
عسى البقا عدل مزنة وبلها طاح
اقولها من هجوس مستكنة
في حلة من طلافها الضيق ينزاح
ولها على اللي حضر عطف ومحَنَه
مطلق:
خيمتك ترقل بعد هبن الارياح
ياشاعر في شكل وفيك ظنة
من يوم راح الطبيب مداوي الاجراح
ياصعب بعض الجروح وطبهنه
ابو مشعاب:
الخيمة الي لها عمدان وسناح
ارتاح فيها وكنك وسط جنة
ان كنت مزاح انا ماني بمزاح
من صبح كل الضماير مرجهنة
مطلق:
ماعاد به قطف خوخ وقطف تفاح
النجر بكرة على راسك ندنه
ياطير ياللي ليا شاف الخطر صاح
واضفت عليه الطيور بريشهنه
ابو مشعاب:
ان كان فأقصى لحيك ضرس نقاح
اتلى الضروس المقالع يظهرنه
الطير من عادته ماهو بصياح
وان صاح مطلق عطا عشرين ونه
مطلق:
سليم ضاقت علي وقدرها فاح
في وادي ماتحب الخير جِنه
ماودنا للرجال السر ينباح
لكن مطلق زعل واحرقت بنه
ابو مشعاب:
سليم ضاقوا على كساب الامداح
ولا انت من صبح ماشي للمجنة
ياشيخ ماني لذاك السر بياح
والوقت مابين صيف وبين كنه
مطلق:
اخلفت كل البرامج يبن شلاح
وان شاف له كيمرة يضحك بسنه
باقي لنا يمكم مسرى ومسراح
تصدر بغربك من الميراد شنة
ابو مشعاب :
اخلفتها يوم شفت الزند قداح
ياللي تبي روس خلق الله مدنة
