مرحبا بالصّاحب اللّي صِحبته حلوه ومرّه ..
بريك السعيدي :
مرحبا بالصّاحب اللّي صِحبته حلوه ومرّه
يوم اعاين فيه وِلْيَا مَرّه اشكَل من حَلاها
الله اِنّه لا يعوّد صِحبةٍ ترجع مِضِرّه
وانت يا مطلق ثمانِ اِسنينِ تدري عن بلاها
مطلق الثبيتي :
مرحبا في مرحبا من شاعرٍ قصّاصِ جرّه
يعرف العِلّه ويفحصها ويعطِيها دواها
كيف اصاحب واحِدٍ لو صاحَبَ المسلم يغٍرّه
والهديّه يا وِسيعَ المعرفه تاخِذ جزاها
السعيدي :
انتِ عينك في ريالي وانته اِريالك تصِرّه
كانِ مَدّيتَ الجزيله عندنا تلقى كِماها
انتِ ما لِك عندنا يا صاحبي مِثقالِ ذرّه
والمٍتُوعَ اللّي مِغطّى ما نبى نكشِف غطاها
مطلق :
الرفيق اللّي يحَفظ الطّيّبه للهِ دَرّه
وِان تناساها وجانا بالدّلُو نقطع عِراها
بعضكم ما يصلَحَ اَلاّ من شِهارِ اِلْيَا مِسَرّه
خيرِ من بعض الجبالَ اللّي تِدَرعِم في حَصَاها
السعيدي :
انتِ يا مطلق رفيق اللّي على دربك تِمِرّه
اِنصَحَ اللّي بندقه من ربعكم ضيّع خِباها