يامرحبا بك يالثبيتي عدد همال المطر .
ميشع الروقي:
يامرحبا بك يالثبيتي عدد همال المطر
من مزنة تبرق وترعد والبرد بثعولها
اما انتبه ما زال رجلينك بعيد عن الخطر
واما تحمل ما يجيك وقولها ونقولها
مطلق الثبيتي:
الك البقا يا شاعر للناس تغرف من بحر
بحرا على ظهره يسرن السفن بحمولها
ماجيت ساري غير اشوفك واللقيك النحر
وامشي مع الديرة واقيس عرضها من طولها
ميشع:
لا تبعث الميت ليا منه قبر وسط القبر
ترا الليالي للجرود مولمه مرسولها
مطلق:
انته تمنى الاولة لكن داواك الكبر
ترا الجبال النايفة دايم تروع سيولها
انا اعرف المصري ليا منه زعل واعرف مصر
وانا اعرف الديرة واعرف دروبها ونزولها