لِيَا قامَت الصّفّين ما تعبوا الشّعّار ..
مستور العصيمي :
لِيَا قامَت الصّفّين ما تعبوا الشّعّار
وِلِن قلّت الصّفّين م احدٍ ب مرتاحي
ولا يا ثبيتي وش حَصَل وش جَرا وش صار
من العام ف الوادي تصافِقكّ الارياحي
مطلق :
لِيَا قامَت الصّفّين نسمر مع السّمّار
وِلِن خربَت الصّفّين بدّرت مِسراحي
ابَشّرك يا مستور وقتي حَيَا وامطار
اَجَنّب عن المجنون واهرِج مع الصّاحي
مستور :
يقولون راعَ المِشكِلَ اَسلَم وحَجّ وزار
وانا اقول ي الله توصِلِه سُوق الارباحي
قِضَى الله عليهم ما بقى غير ابو عمّار
(نِبَطشِي) على البيبانِ لا جا ولا راحي
مطلق :
علومه طوال اعراض فيها العرب تحتار
اَكَل لّه جِمَل ي اللّي تقول الجِمَل ماحي
اشوف الهبايب تِصطِفِق والفَلَك دَوّار
ويمشي وراها الموت قصّاف الارواحي
مستور :
اَكَل لّه جِمَل لَكنّ يرمي بدون عيار
ولو طَبّ لِه في بحر ما هو ب سَبّاحي
طريق الرّجالِ اِيمينِ وِهوَه يِروحِ اِيسار
لو اعطَيته الاسرار ل السّرّ بيّاحي
مطلق :
انا ابغاكِ تاصَل حِلّةٍ تِكرِمَ الخطّار
لعَلّك تَعَرف اهل الكرم واهل الامداحي
