سلامي رِدّيّه لها قلبُ ولسان ..
صياف الحربي :
سلامي رِدّيّه لها قلبُ ولسان
تضفي على اهل الحفل واللّي يحضره
العيد عايد من زمان اِلْيَا زمان
ما ينقصر لو اللّيالي تقصره
مطلق الثبيتي:
يا مرحبا ب اللّي لهم ف النّاسِ شان
قُودَ المعاني والعلوم اِميسّره
اِيزِينِ عِيدك كان وفّيت اِرمِضان
وِاِلْيَا نقص لِك يوم صارت مجزره
صياف :
انا اعرف اِنّك ما تجيب اَلاّ السّمان
لكنّ حِطّ الجمر وسط المِجمَرَه
ابى اتحرّك من مكان اِلْيَا مكان
واصوم في جدّه واعيّد ف انقره
مطلق :
ما عادِ به سمنٍ عليه الضّيمران
لكنّ عمّك ب القضيّه بشّره
يا حرب دايم عشركم ترجع ثمان
وبيوتكم تفجع سوات المقبره
صياف :
ما دام يوجد ف الجبل مِعزا وضان
نعصِب على عظم الكسير ونجبره
وانته نبى ندخِلك بيت التّرجمان
يا لينِ كلّ اللّي بجيبك تِظهِره
مطلق :
الفارسَ اللّي راكبٍ فوق الحصان
ما هو معوّد لين خصمه ينحره
لكنّ طِبّ اِمنَ الجبل فوق الطّمان
ما عادِ به ضحكٍ ولا به كَركَرَه
صياف :
الهدهد اللّي نعرفه من يوم كان
اِلْيَا ارتفع راسه يِنَقوِر نَقوَرَه
انا معي شعله وجمر وجبّخان
وانته ما عندك غير ناقه وبقره
مطلق :
انا اعرف العقرب وابوه العقربان
وانا اعرف اللّي قام زيره ينقره
انته تعطف لي سوات الخيزران
لكنّ زادك سَدّ باب الحنجره
صياف :
كَثرَت عليك الاودِيَه يا بهلوان
هذا تِسَنّد به وهذا تحَدّره
اِلْيَا تعَطّفنا يِحِينَ الامتحان
ما عِندِ مطلق غير عَينِه وِاِنظِرِه
مطلق :
ظَلّيتِ شيخٍ ف المويهُ وفي قِطان
واليومِ ضِعتوا كِلّ عُودٍ تَشقِره
مِن يومِ مسّينا حَقَبها والبِطان
طَرّف بِوَجهك لا تشُوفَ المِنظَرَه
كِلّ السّبايب مِنكِ يا ساحر عمان
اِتقِرّ هذا العِلمِ وَاَلاّ تِنكِره