يا فَزعةَ التّوحيدِ

اخر طواريق الشاعر مطلق الثبيتي (رحمه اللّه) ـ الرياض – ١٤١٦-١-٢ه_ـ

أحمد الناصر :
سلامي يا فَزعةَ التّوحيدِ والاسلامِ والمسلمين
عادَه فَرَضها لكُم عبدالعزيز الله يِطَيّب ثراه

وَاثني سلامي ل حِكّامَ الخليجَ اهلَ الوفا كِلّ حِين
المبتدا الشّيخِ راشد هُو ذرى مٍن يِلتِجي في ذراه

 

مطلق الثبيتي:
يا مرحبا ب النّيابه عن شيوخٍ رايهُم ما يِلِين
والجاهلَ اللّي يعانِدهُم بِ شَرّ وخيّب الله رِجاه

يا مرحبا ب الضّيوفَ اللّي لهُم ف القلبِ حِصنٍ حَصين
اغلى علينا مِن المِزنَ الصّدوق اِلْيَا اِنتِثَر غِزرِ ماه

 

أحمد الناصر :
الجَوّ ما هُو بِصافي والهَوا يصفِق يسارُ ويمين
واللّي سرى في ظلامَ اللّيلِ يِصبِِح لازِمِه ما قِضاه

لكن ترى الصّبرِ زينُ وخالقك دايم مَعَ الصّابرين
ما يِذّن المِذّن اَلاّ يِقعِدَ النّايم يقولَ الصّلاه

 

مطلق :
يا راعِيَ الزّلفي اِصبِر لي شوي وكِلّ خافي يِبين
واللّي عطَاني بِنصّ الكَفّ يا رَجّال ياخِذ مِلاه

يا شِينِ بعض الطّيور اللّي تطالع فيه اِبنصّ عَين
لو اِنهُم الطّير منها قامِ يكفَخ مِن خَلاه اِبخَلاه

 

أحمد الناصر :
اِنشِد جهينه ترى معها الخَبَر كِلّه وعِلمَ اليقين
وانا انشهَد العزيز اللّي ضعيف وِيتّهم بَ الغَناه

ما لِك علينا حقوقُ ولا ديون اِلْها كفيلُ وضِمين
وتراي اوَصّي عَلَيكَ اصغَر عيالي يَذبحِك ذَبحِ شاه

 

مطلق :
والله ما تَسرٍيَ الصّعبه عَلَىّ وقَيدها فَ اليِدَين
وِان كانِ قامَت تَلَوّى بَ الشّجاري ما عَلَيها طَراه

اَنا عَلَيّه مِنَ الله سِترِ يَحماني وحِرزٍ مِكين
وَامّا انتِ يا احمَد مِطَوّع شايبٍ ما تِستحِقّ الذّكاه

 

أحمد الناصر :
ذا اللّيلِ عِشرينِ عينُ وعَشرَ آذان وكم قلبٍ ذهين
والشّمسِ ما يقدَرِ اِبنَ ادم يغطّي نُورها بَ العَباه

العامِ له نِيّةٍ وِحده وجَا له هالسّنه نِيّتين
لازم نربّيهِ كانَ الله كِتب له تربيَه في عَصاه

 

مطلق :
عزّ الله اِنّك مِسالِم مِسلمٍ مِن خِيرة المسلمين
ما تشرَبَ المَا لو اِنّ الدّلوِ في يِمناكِ قاضِب رِشاه

والله ما ارتاحِ يا احمَد لَينَ اشُوف الحَبّ يغدي طحين
واشُوفِ مستورِ مع صيّافِ تالَ اللّيلِ يِدرِج رَحاه

أحمد الناصر

هلا يا مرحبا حياكم الله يا مسايير ..   احمد

محمد الجبرتي

سلام الله سلامٍ للعوارف مثل بن وهيل ..   الثبيتي:

صياف

سلامي رِدّيّه سِواتَ الزّهُور ..   مطلق : سلامي رِدّيّه

صياف

مرحبا فـَ المَـحَـلّ اللّي تِـنَـومِـس رِجاله ..   مطلق الثبيتي:

صياف

الليلة يا كثر جمر النار ..   صياف الحربي: الليلة

مستور العصيمي

مرحبا رِحبِ في حِـلّة عتيبه ..   مطلق الثبيتي :