الله يسلمك يافيصل ويسعدلك لياليك
خلف بن هذال :
الله يسلمك يافيصل ويسعدلك لياليك
يالي ليا جيت لك في دار حيتبك عربها
ابوك خالد يابي خالد على عمك مسميك
والابو والعم فيصل جدها الاول جذبها
مطلق الثبيتي:
الله يقبل دعاك وقول ورجال مخاويك
جعل الليالي تمر ولا يصادفهم نشبها
نسل الملوك الحرار الي مع العالم تقديك
وان تعبت بالرجل بالمسيار مخلوف تعبها
خلف:
ابي ارسم الخطة الليلة على عينك واسريك
واصل ولا تنثني رجليك ثم ياقف عصبها
واحذر تغيرك نياتك ويرمنك طواريك
الناس بالناس والدنيا تعلمنا من طلبها
مطلق:
والله لتمشي طريقي لشيوخ وللصعاليك
واليا حصل مشكلة في دربنا فانته سببها
البيض واجد لكن المشكلة من بيضة الديك
ديكٍ ليا شافله عجه بجنحانها ركبها
خلف:
طريقك اعوج وعندي علم عن تاريخ ماضيك
عقرب ثرا ماتصيد الا منكسةٍ ذنبها
بالخير بذكرك يامطلق واصبحبك وامسيك
ومن عاشر الديك ماحاف الديار ولا كسبها
مطلق:
ياصقر ماني بجاهل واشعل النيران واشويك
ابغاك للي من الحنا محنيةٍ ركبها
عدٍ مرسي ليا مني ضميت انصاك واجيك
ماهو كما الفضية الي كل من جاها شربها
خلف:
نارك ماهي نار ابن عمار جعل الله يعافيك
لا تورد الحجة الا عقب ماتحكم رتبها
اشرب وشرب وصدر والروا يروي ضماميك
واحلب من الخلفة الي كان جدك يحتلبها
مطلق:
لا يدخل الناس منا ياخلف تهمه وتشكيك
لاكن بالله خل النار تشبع من حطبها
يادلو يالي تجيب الما نبي ندهن عراويك
والسمن تستاهلها لو نجلبها من ديرة ابها
خلف:
راحت سنونك كما القرطاس من ضرب المساويك
مطوع كل ماحول على خزنة نهبها
الناس واعين مافيهم ضنون ولا دواكيك
لاكن عان المطيه مع رسنها واستحبها
مطلق:
انته من العافية والشحم مدفونه كلاويك
في خيمة كل من شاف العلامة ما قربها
جر الربابة عسى الليلة تسليني واسليك
وان الربابة ليا طربت يسليني طربها
خلف:
انته حجازي وتفرق بين اهلنا طول اذانيك
لله در الرجال الي تنورني بادبها
خابرك تطرب ويطربك الغنا والصوت يحييك
نخلة ….. … … حملها رطبها
مطلق:
يالنجدي على نعمه مفلي في مفاليك
الذيب يعوي براس الضلع والحله قربها
انا حجازي لكن لا تجي عندي ولا اجيك
يانكبة عايشها بين العرب محد نكبها