علّموا وصل الثبيتي يحترك والاّ احتركنا ..
مطلق :
علّموا وصل الثبيتي يحترك والاّ احتركنا
له مع الشّعّار وِزعَه يا مِوَزّعة القسومي
يعمر الله جَدرِنا يوم اجتمعنا واشتركنا
قبل شّعّار الحروب وقبل شّعّار البقومي
وصل الشهيب :
يا وسيع المعرفه دربٍ سلكته به سلكنا
عطني اعلومك وخذ يا مطلق اِحمَيّد علومي
كِلّنا شعب السّعوديه وابو فيصل ملكنا
قبل تبدي ب الدفاع وقبل نبدي ب الهجومي
مطلق :
كم اخذنا من علوم الحاضرينُ وكم تركنا
والقمر لو غاب في مسراهِ غابَنّ النّجومي
الضّما والجوع صارعناهِ مِدّه ما هلكنا
علّموا صيّاف قبل اِنرِدّها فرك الخشومي
وصل الشهيب :
ب الاخذ والرّدّ ل اخشوم الاعادي كم فركنا
مير راعَ الحفل غالي ما نبى مَدّ السّهومي
لو نبى نبحث عن الشّبكات ذالحين اشتبكنا
لين يغشى جَوّ بعض النّاس يا مطلق غيومي