ولا يا العصيمي قوم مال الجمل ميقاف ..
مطلق :
ولا يا العصيمي قوم ما ل الجمل ميقاف
يا كود الشجيع اللي بكفه لزم سيفه
وصلت الخطر مني بعد جزت عن صياف
وانا شاعر يعرف يصرف محاريفه
مستور :
ابهرج مع الشعار وابدي بها المشراف
ولاني على كيفك ولاني على كيفه
ولا يا الثبيتي خل كل العلوم انظاف
ومن هو يدق الزير نسمع غطاريفه
مطلق :
نبى نذبح الفتنه ودرب الشقى ينعاف
ومن يقبل المعروف نحفظ معاريفه
ليا اعطيت ربعك حق فان ما عليك اخلاف
وتسلم من الشرهه وتامن من الخيفه
مستور :
ليا بان نجم اسهيل وسط السما ينشاف
وانا اعرف طريق الخير ما ريد توصيفه
ويا الله تقبل حجة اللي سعى واطاف
وانا ما تكلفت ابعطاه ومصاريفه
مطلق :
ابهديك ب النجده وباهديك بالاسعاف
وكل يسولف لين تسمع سواليفه
ترى الطيبه تزرع وتثمر مع العراف
ولا ابغاك هندي تقرقع مغاريفه
مستور :
مزون الخريف ابروقها جا لها رفراف
كثير العرب ف الدار ما ابغى لها شيفه
انا حاضر و وقاف ماني على ميهاف
لو اني رقدت الليل ما مرني طيفه
مطلق :
ابَى اشيل حملك يا جملنا على الاكتاف
واباريك لين الوقت تسكن عواصيفه
انا ضيف عندك يا شريف من الاشراف
ولا انت الذي يشهر سلاحه على ضيفه
مستور :
بعد جيت بين الحيف والسيف والسياف
انا بفتح الصندوق واقرا مظاريفه
ولا يا ثبيتي خلها تبدي الاهداف
وقلبك عليها كاثراتٍ تحاسيفه
مطلق :
تراها جميله فيك لو لحفت بلحاف
وف السوق ما تسوى لها نص تعريفه
ما نبغى قصور الرس تضحك على العساف
بعد كان بين الناس تعجب مواقيفه
مستور :
انا ما نسيت اللي عليها الحشا ينلاف
ليا ضاع راس العلم ضيعت اطاريفه